流浪卡加利 Rove in Calgary

[圖文不符]

有一日我同另一半去同朋友屋企食飯，晚飯前我地同朋友既小朋友玩。佢地分別係四歲（A小朋友）同五歲（B小朋友）。我地一開始玩四人混戰，後來，B小朋友提議玩坐監遊戲（係間玻璃房度扮監獄）。佢地好有快就傾好左另一半同A小朋友坐監先。於是，另一半同A小朋友就去左坐監，而我同B小朋友就做守衛，而B小朋友就拎曬D玩具放係玻璃房門口。另一邊廂，另一半同A小朋友提議”let’s break the jail!（我們於、逃獄吧！）”。點知，佢竟然答，”No! We CAN’T! We need to stay here!（不！我們不可以！我們要留在這裡！）”。另一半於是再同佢講野，佢同另一半講”Shhhh!We can’t talk in the jail!”，因為另一半俾小朋友訓示完，於是佢地只好乖乖地咁坐監。過左五分鐘之後，佢地就好有秩序咁交換坐監。 夜晚返屋企同另一半講起，我地覺得如果係香港的話，被坐監既小朋友應該係我地出聲前佢地已經自行越獄，唔會乖乖地等。一件小事，令我覺得加拿大長大既小朋友比香港的單純一點，下次同佢地講野都要小心D唔可以教壞佢地，作長輩的定必要以身作則。亦令我明白到，小朋友長大的環境，是十分重要的！

P.S.: 圖中的三個小朋友在分享pizza同burger糖。