流浪卡加利 Rove in Calgary

當我同朋友同事提及我會搬到卡加利Calgary居住時，我發現好多人都不認識呢個地方，只知道Vancouver（溫哥華），Ottawa(渥太華）同Toronto（多倫多），或者只係只會諗起會落雪。其實，再加上卡加利才是加拿大四大城市！因而，促成我去開始寫這網頁。今天就讓我為大家分享一下啦。

卡加利係位於加拿大亞伯達省（Alberta) 南部，係Alberta最大既城市，係海拔1048米，面積係大概四份之一的香港，但人口卻只有香港的17%左右。卡加利附近有洛基山脈，而卡加利西面係Banff National Park（班夫國家公園），係加拿大第一個國家公園，由卡加利駕車到Banff只要一小時，而每年都有好多遊客到訪。卡加利向東面駕車一小時四十五分鐘是恐龍小鎮Drumheller，因在Drumheller發現了恐龍化石，因而在那建了一個恐龍館。而係2018年，卡加利成為左全球最四名最宜居的城市，係加拿大之冠。而加拿大亦成為了世界最值得旅遊國家第二名，而其中一個原因係因為Banff和多倫多既Nigara Falls。而卡加利係Alberta省既經濟，金融同文化中心。加上亞伯省有出產石油和天然氣以及油砂等，所以有好多既相關公司及上市公司係卡加利設總部。

卡加利既天氣都係變化多端，我到達卡加利機場時工作人員甚至對我笑說可以在一日內感受到四季。我係卡加利經歷既夏天，時不時都會見倒冰雹，第一次經歷時仲有d驚，但對已經住了在這很久的另一半就見怪不怪了。而卡加利既四季都分明，但夏天比較短，但日照比較長，係早上5點幾天光，夜晚9點多10點才天黑，而卡加利亦是全國日照時間之冠。第一場雪一般在每年9月下，而最凍是每年2-3月。

卡加利有一個國際機場，香港和台灣是沒有直航，好多時候會在溫哥華或西雅圖轉機。夏天的時候，卡加利會有直航到日本東京。而卡加利亦有一個Outlet(特賣場）叫Cross Iron Mall，大得可以逛兩天。

卡加利亦有一個特別的節日，就係每年7月舉行的卡加利牛仔節，每年都會有好多遊客去玩，參加的人都會扮牛仔，格仔恤衫，牛仔褲，同boots，氣氛十足。卡加利牛仔節會有遊戲攤位（有點像台灣夜夜市的！），會有購買日用家品的室內展銷，會有不同的美食攤位，會有室外的Bar，有動物園（有羊，馬，牛，及其他小動物），亦是有抽獎，頭獎是一間屋，二獎是一輛車，禮物是會在牛仔節會場實地展示的！

另外，因Alberta是有飼養牛，Alberta Beef是十分有名的！因此卡加利人對食牛的要求是十分高的！來的人一定會試的！

暫時先介紹這樣，我之後會寫多更多詳細有關卡加利的分享。