流浪卡加利 Rove in Calgary

經過幾個月的疫情洗禮，有差不多四個多月沒有外出用餐，我們決定好好出去吃一頓。在搜尋餐廳時，意外發現Hilltop Plaza這個老牌Mall有間新餐廳【鼎點 Tasty Point】。看到Google Review不錯，食物種類很多，於是我們便決定試一試。

鼎點 Tasty Point

地址：Hilltop Plaza, 2122 Crowchild Trail NW, Calgary, AB T2M 3Y7

電話：(587) 392-0888

營業時間：上午11點至晚上9點

網站：https://www.tastypoint.ca

由於COVID-19關係，我們先打到店內訂座。到達店內，有十多座桌子，而且大部份是Booth，坐得很舒適。BTW，佢地都可以用QR Code點餐，好方便！

飲品類型很多，有芝士奶蓋，鮮泡茶，冰鎮珍珠奶茶，啤酒等等。食物方面，鍋類已有12種選擇，如臺式麻辣鍋，韓國部隊鍋，椰香咖哩奶蓋鍋，冬蔭公湯鍋等。小食類有台式大雞扒，麻辣臭豆腐，麻辣豬耳，蒜泥白肉，麻辣牛肚等。另外也有串燒類和台式滷肉飯／拌麵類。甜品有榴槤豆花，仙草，椰青奶凍，鮮奶麻糬和楊枝金露等。因為Menu選擇很多，我拍了圖供大家參考。我和另一半樣樣都好想叫，選了很久，最後點了玫瑰花觀音芝士奶蓋拿鐵 （個名勁長），冰鎮香檳珠珠奶茶，麻辣豬耳，蒜泥白肉，臺式麻辣鍋，榴槤豆腐花和楊枝金露。

一開始飲品先來，個冰鎮香檳珠珠奶茶用左個熊仔樽裝，再有個Bucket放冰冰鎮，好適合我呢D相機食先既人。茶底香滑茶味夠濃，珍珠口感QQ，開始擔心一直冰鎮著，珍珠會變硬，但口感竟然沒有變👍🏻。個玫瑰花觀音芝士奶蓋拿鐵有驚喜，奶蓋上有少少玫瑰花，仲有少少金箔🤩！芝士奶蓋味道剛好，不會太濃但是那種會令你一直想飲，鐵觀音茶底我最怕做得唔好既會帶甘，但呢個完全冇，茶底配芝士奶蓋一流！

個麻辣豬耳同蒜泥白肉，另一半大愛😊😊。麻辣豬耳份量比我們想像多，個醬好香，食完真係會感覺到麻，辣剛剛好。我地話唔會再去大統華買Pre-packed既麻辣豬耳，會係度外賣😎。出去食蒜泥白肉好多時候個蒜泥都唔係泥，係蒜蓉，但呢度有用心做，蒜泥真係蒜泥且調味不錯，份量多，有驚喜！

跟住個臺式麻辣鍋到啦，材料勁多（可睇返個Menu，我唔寫啦），個D肥牛肉，我開頭諗住得四五片，點知係好大份！！！個鍋好得意，個Concept係用左上海世博館，第一口食落去真係有臺灣食既感覺，但好似唔夠辣（我錯了😂），後尾越食越辣😋。個鍋跟一個白飯，滷肉飯或粉絲。我見到隔壁的人點了椰香咖哩奶蓋鍋，賣相超吸引，我諗我下次會試！

最後到甜品啦😍！個賣相好吸引，用木碟盛著！我唔食榴槤，另一半對個榴槤豆腐花超期待，我影完相佢快速開餐！根據佢既食評，個榴槤豆腐花好好味，個榴槤熟度剛好！呢個價錢食咁既量好抵。我見個豆花底係黃色，於是問店員，原來個豆花都係榴槤味🙂！我勁耐冇食過楊枝金露，一食就覺得《係呢個味啦》！本來都想試椰青奶凍，店員話椰青奶凍都好受歡迎，因為每日鮮做，量不多，我地去當日比較晏已經賣哂😭😭。希望下次可以食到啦！

呢一餐真係超飽，每樣食物水準都很高，份量又多，另一半又好開心可以食榴槤。我下次會試下佢D串燒！

外出用餐的感覺超久違😎😎！