流浪卡加利 Rove in Calgary

其中一條在我Facebook臉書專頁Inbox常見問題是我在卡加利如何搵工，搵工難唔難，機會多唔多心態轉換等問題，所以我決定分享一下我搵工路程。

2018年6月我到了卡加利，休息了一陣子後，中間返左香港一個月，11月再返卡加利便決定要搵工。一開始我沒有限制工種，當時工資不是最大考慮，反正更想是融入卡加利生活，拎下加拿大工作的實戰經驗，於是慢慢send下CV，會計呀文職呀超市呀咩都都有搵下，可能係因為十一月尾，所以毫無回音（但過左一月都冇😂😂）。

最後在Facebook 見到果汁店請part time，於是就去試下。咁啱果汁店另一個staff要辭職，於是老板便叫我直接做full time。老闆是已在卡加利住了十多年的華人。佢話我唔應該浪費個會計師牌，話果汁店可以用來適應加拿大的生活，但長遠我應該搵份會計工，於是我又去面試會計工。

由於我找會計工作，而卡加利主流是油公司，而在香港big 4 audit 時冇audit 過油公司，即使在Big 4工作了8年，這些經驗係卡加利毫無幫助，大學面試Big 4後沒有再找過工作的我在這個job Hunting過程都有少少灰。雖然沒有成功，但好多朋友同我講我有面試機會已經好好，因為當時經濟不太好，有一個面試機會都唔容易得到。

後來有次面試一個CFO，但當時公司冇opening ，佢覺得好可惜，覺得我應該去做下big 4拎下經驗，之後揾工會容易好多，於是佢refer我去Big 4，面試左兩Round我竟然有offer 。就係咁，我就再開始審計之路。

搵工過程中，有一次我interview一個上市公司既會計部staff，佢地Outsource左招聘俾Head Hunter，個Hunter問左幾條令我印象好深刻既係：

1. 個 Head Hunter 問我點解我英文咁好同咁native，問我係邊度學英文。我個刻心諗，本地人其實真係覺得亞洲人英文好差？但我都一本正經咁吹水吹返去Sell下自己係香港份工既經驗同Qualification等BlaBlaBla。後尾Interview玩諗返，係果汁店工作時同一個伯伯傾計時佢發現我只係搬左去加拿大幾個月佢都好Surprised，佢話聽我D英文以為我係卡加利大 （我覺得佢又誇張左D），因為佢話亞洲人一般英文都好一般，所以估唔倒我係”新移民”。

2. 當時我只係Interview個普通既會計position，佢話我個CV太overqualified，但亦都指出我既相關工作經驗都係係香港，加拿大既經驗係零，其實好多人較本地既公司都會比較卻步。我聽到呢個Point時我其實都好明白，即使你講話你適應力強，之前既工作經驗都有同其他國家既人合作都好，中西文化差異是一個唔係可以齋用吹水可以解決既事。

後來同朋友傾開，毫無加拿大相關工作經驗，對Oil and Gas 認識，也沒有加拿大的學歷的我可以得到big 4的工作是很幸運了，大家都說很多人最後也是在華人主導的公司工作。移民過來既好多都做唔返老本行。而入了Big 4後，我都認識了不少不同國家移民到卡加利的同事，後來發現大家故事也雷同。有個英國藉朋友，她在英國拿了會計師牌，為了另一半搬到加拿大，經歷了漫長的搵工之路，最後都係Big 4 請佢。

後來回想，其實我搵工都算好好彩，都唔搵左好耐。

好多人問我，容唔容易搵工，我個人覺得，我有時會反問，咁你係只要一份工，定一份你想要既工。如果你只要一份工，工種工資都冇所謂，咁其實又真係唔係好難，餐館快餐店時不時都在招募。但如果你想搵返份和香港時相若的工作，我只能答加拿大工作經驗係重要（加七分運）。

如想了解更多Calgary 卡加利／卡加里爾的生活，觀迎讚好和跟蹤我專頁：

臉書專頁： Rove in Calgary 流浪卡加利

Instagram:  Rove_in_Calgary 流浪卡加利